Character : Male Actor (Brother)
Scene : Brother Bahan ko Pyar or Family ke bare me Samjhate huye
Dailougues : Twinkle bol kya hua..?
Aur tu bakaida khane ke table se Ayse uthkar ku chali aayi..?
Teri tabiyat toh thik hai na..?
Dekh agar koi baat hai toh tu mujhe bata sakti hai.. Jara mein bhi toh suno aakhir meri bahin ki zindagi mein chal kya raha hai.. Kya?
Tu hosh mein toh hai..?
Ye kya keh rahi hai.. Bhaag jaaungi, Matlab ye kaunsa zariya hai apne pyaar ko haasil karne ka..? Bahot asaan lagta hai tujhe ye sab kuch..? Dekh Twinkle mohabbat karna koi gunah nahi hai.. Magar tu ghar mein sabko bata degi, Toh Ammi-Abbu bhi mehfus rahenge.. Aur hume dekhne toh de ladka kaisa hai..?
Tere kaabil hai ya nahi.. Tabhi toh hum nikkah karne ki manzuri denge.. Aur Aysi kaunsi naubat aagyi ki tu ghar se bhaagne ki teyari mein thi..? Twinkle kabhi Ammi-Abbu ke bare mein soch hai.. kitne pyaar-dulaar se tujhe paala hai unhone, Tune jo maanga woh sabkuch diya hai tujhe..
(sad)
Rishtedaaro ne kaha beti ki shaadi kara do, Aage padane se kya faida.. Baavjut ye sabke, Abbu ne teri padhai complete karwayi, Sun agar pyar mohabbat ye sabka bhoot Uttar Jaye na… Toh fursat mein thoda waqt nikaal kar apne Ammi Abbu ke bare me sochna.. Aur unki uthayi hui takhleefo ke baare mein bhi sochna.. Shayad tab jaake thodi akkal aajaye tujh mein... Dekh Twinkle aage jo bhi kuch hoga tu mujhe batayegi.. Tujhe darne ki zarurat nahi hai main hu tera bhai, Tere saath teri Zindagi ke har mod par hamesha khada rahunga jb bhi meri jarurat hogi.. Aur baaki tu sab khuda par chod de, dekhna sab accha hi hoga..!!!
0 Comments